WEDNESDAY, MAY 23, 2012
ዐርገ እግዚአብሔር በይባቤ ወእግዚእነ በቃል ቀርን

ምስባክ
<< ዐርገ እግዚአብሔር ብይባቤ ወእግዚእነ በቃለ ቀርን
ዘምሩ ለአምላክነ ዘምሩ። እግዚአብሔር ብደሃይ መለከት ዓረገ፣ ምስጋና ኣምላኽ ዘምሩ ዘምሩ፣
ምስጋና ንጉስና ዘምሩ ዘምሩ።  መዝ.፵፮፡፭ (47:5)
ሮሜ.10-1።   1ይጴጥ. 3-15።   ግ.ሓዋ.1፣-1-12።   ወንጌል .ሉቃ.24፣45።

በስመ አብ ወወልድ ወመንፈስ ቅዱስ አሃዱ አምላክ አሜን!

<> መዝ.46-5።

ጐይታና መድኃኒና ኢየሱስ ክርስቶስ ለይቲ ለይቲ ዝሓድረሉ ፣ ሓሙስ መዓልቲ  ኣስቆሮታዊ ይሁዳ ንጐይታና መድኃኒና ኢየሱስ ክርስቶስ  ንኣይሁድ ኣህሊፉ ዝሃበላ ቦታ ። ቅዱሳን ሓዋርያት ብዛዕባ ነገረ ምጽአት ሓቲቶም ዝተረድኡላ ፣ ካብ ሙታን ተሢኡ ኣብ መበል ኣርብዓ መዓልቲ ዝዓረገላ እምባ ( ጎቦ) ደብረ ዘይቲ እያ። ጐይታና መድኃኒና  ኢየሱስ ክርስቶስ ካብዛ ቦታ እዚኣ እዩ ዓሪጉ።

ኣቐዲሙ ቅዱስ ዳዊት ከምዝተዛረቦ ጐይታና መድኃኒና ኢየሱስ ክርስቶስ ደቀ መዛሙርቱ እንዳረኣይዎ ናብ ሰማይ ዓሪጉ። <> ከምዝብል መዝ. 46፣5።
ጐይታና መድኃኒና ኢየሱስ ክርስቶስ ብሓቒ ከምዝዓረገ ናይ ቤተክርስቲያን ሊቅ ቅዱስ ዮሓንስ ኣፈወርቒ ከረድእ ከሎ ። ንሕማም ዝሰማምዖ ግዙፍ ሥጋ ተዋሂዱ ከሎ ቅድሚ ሥቅለቱ ኣቀዲሙ ኣብ ልዕሊ ባሕሪ ዝኸደ፣ ሎሚ ንንፋስ ከፊሉ ክዓርግ ክንርእዮ ከለና ዋላሓደ ኣይጠራጠር ። ምስ ግዙፍ ሥጋኡ ከየተለወጠ እዩ ዓሪጉ። ሃይ.አበው ዘዮሓንስ አፈወርቒ ክፍሊ 13 ቁጽሪ 15

አንቃዕድዎተ ዐይን

ወዘንተ እንዘ ይብሎሙ ተለዐለ ወነሥአቶ ደመና ወዐርገ ሰማየ እንዘ እሙንቱ ይኔጽሩ ኅቤሁ ወተሠወረ እምአዕይንቲሆም። ዮሓ.1-9።

ኣምላኽና መድኃኒና ኢየሱስ ክርስቶስ ናብ ሰማይ ዝወጻኹ ብርሕቀት ( ብምርሓቅ) እምበር ብርቀት  ( ረቂቅ ብምዃን) ኣይኮነን። እዚ ማለት ኣቀዲሙ ዝተዋህዶ ሥጋ ኣርቂቁ ግዝፍነቱ ኣጥፊኡ ዘይኮነ ምስ መለኮቶ ተዋሂዱ ሓደ ግዙፍ ሥጋ ግዝፍነቱ ከይገደፈ ካብ ዓይኒ ብምርሓቕ ልዕል ልዕል ብምባል ናብ ሰማይ ብምውጻእ እዩ።

ብትምህርቱ ዝተጸናንዑ ብተኣምራቱ ዝተማረኹ፣ ሓዳሮም ወለዶም፣ ሃብቶም ሥልጣኖም ዝገደፉ ሓዋርያት ንሰለስተ ዓመትን ሰለስተ ወርሕን ሓቢሩ ምስኦም ዝጸንሐ ጎይታና መድኃኒና ኢየሱስ ክርስቶስ ብሥጋ ክፍለዮም ከሎ ብናፍቆት ተታሒዞም ናብ ሰማይ ክወጽእ ከሎ ኣቶኪሮም ይርእይዎ ነበሩ። ዘርኣዮም ፍቕሪ፣ ሑሩ ወመሃሩ ብምባል ዝኣዘዞም ኣገልግሎት ከመይ ከምዝወጽእዎ እንዳሓሰቡ ኣቶኪሮም ረኣይዎ።

ዕርገተ ልቦና

ክንጽልይ ኮነ ክንዛረብ፣ ክንጸውም ከለና ኮነ ክንምገብ ፣ ክንሰርሕ ከለና ኮነ ከነዕርፍ ናይ ኣምላኽና ውዕለታ ብምዝካር ብምሕሳብ ኣብ ውሽጢ ዕስራን ኣርባዕተን ሰዓት ንኽንደይ ዝኣኽል ደቂቅ ዕርገት ልቦና ንዓርግ። ንምሰጥ?

ሓዋርያት ጐይታና መድኃኒና ኢየሱስ ክርስቶስ ብኣካለ ሥጋ ሓቢሩ እንዳሃለወ ዝኣዘዞም ትእዛዝ ንምፍጻም ስጋብ ሕይወት መፈጸምታ ተኣሚኖም ሓደራ ዝተዋህቦም ብተግባር ኩሉ ፈጾሞም እዮም፣ ንሕና ኣብ ሓዲሽ ኪዳን ዘለና ምእመናን ጐይታና መድኃኒና ኢየሱስ ክርስቶስ ኣብ መብልዒ ማል ከምዝተወልደ፣ ናብ ግብጺ ምስዳዱ ፣ ናይ ደቂ መዛሙርቱ እግሪ ብምሕጻብ ትሕትና ብምርኣይ ዝሃበና ሓደራ ኣብ መስቀል ተሸንኪሩ ስለና ኢሉ መከራ ተቀቢሉ ዘርኣየና ፍቕሩ ፣ ንኣልኣዛር ካብ ሙታን ብምትንሣእ ብናይ ገዛእ ርእሱ ሥልጣን ካብ ሙታን ብምትንሣእ ተስፋ ነገረ ትንሣኤ እንዳዘከርና ብሓሳብና እዳዓረግና ልብና ልዕል እንዳበልና ክርስቲያናዊ ምግባራት ምስ ሃይማኖት ኣተሓባቢርና ብምሓዝ ክንሕልዎ ይግባእ።

ኣምላከ ቅዱሳን እግዚአብሔር ብዕርገቱ ዕርገተ ልቦና ይሃበና። በረከትን ኣማላድነትን ናይ ኣዴና ቅድስተ ቅዱሳን ድንግል ማርያም ኣይፈለየና።

(For those who do not have Geez, please visit this link) BEALE ERGET

ወስብሓት ለእግዚአብሔር
ወለወላዲቱ ድንግል
ወለመስቀሉ ክቡር።

አዘክሪ ድንግል at 1:33 PM
Share



Home
View web version
ERITREAN ORTHODOX TEWAHIDO CHURCH
Kana Zegelila
አዘክሪ ድንግል
Powered by Blogger.

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s